Amerlanerit ingenøritut ilisimatusarnermi, nioqqutissiornermi sanaartornermilu ilinniarsimapput
Titartartakkami 4-mi takutinneqarpoq 2014-imi innutaasut 16-it sinnerlugit ukiullit meeqqat atuarfiannit qaffasinnernik ilinniarsimasut. Ilinniakkat immikkoortortanngorlugit agguaassimapput, qaffasissutsit tunngavigalut immikkoortinneqaratik.
Titartagaq 4. 2014-imi innuttaasut 16-it sinnerlugit ukiullit meeqqat atuarfiannit qaffasinnernik ilinniarsimasut, immikkoortortanut agguuaallugit
Najoqqutaq:Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISCPROA).
2014-imi inuit 3.650-it ingenørtitut ilisimartusarnermi, nioqqutissiornermi aammalu sanaartornermi ilinniagaqarsimapput taamaasillutik immikoortortani agguaqatigiissillugu 23,6 procentiullutik annertunerpaallutik. Immikkoortortami pineqartumi sanasut, qalipaasut aammalu innaallagisserisut inuussutissarsiornermik ilinniarfinneersut aammalu Arkisk Teknologi-mi ingeniøritut allagartallit ingerlaqqiffiusumik ilinniarfinninngaanneersut nassaassaapput. Peqqinnermut atugarissaarnermulli immikkoortortamiittut agguaqatigiissillugu inuit 2.967-iullutik annermut tulliupput, tassani isumaginninnermi aammalu peqqissaanermi ikiortit, isumaginninnermut siunnersortit aammalu peqqissaasut nassaassaallutik.
Inuussutissarsiornermi, allaffissornermi inatsisilerinermilu nassaassaapput aningaasaqarnikkut ilinniakkat, tunngaviusumillu siunertalinnik ilinniakkani naliginnaasuni pingaartumik ilinniarnertuunngorniarfiit pineqarput.